رواية الجانب المظلم من القمر \r\nواللي بتحكي فيها الرواية عن شخصية ذو سلطة ونفوذ وهو يحيى .. واللي بيتبنى المواهب للطلبة اللي في المدارس .. وبتقع عينه على طالب متعدد المواهب ومتميز في إسلوبه وهو هاشم عزالدين .\r\nولكنه مش متميز في الدراسة .. وده بيخلي كتير من المدرسين بينتقدوه في أرائهم ليه ، سواء مع يحيى اللي عايز يتبناه ، أو ما بينهم وما بين نفسهم .. لكن يحيى بيصر انه هو ده الشخص المناسب .. وهنا نعرف إن يحيى مش بيتبنى موهبة فزة وعقلية إبداعية وبس .. ولكنه بيتبنى إنسان بجد عنده مبادئ وقيم وأخلاق .. واللي من خلال أحداث الرواية هتحصل ما بينهم صداقة قوية .. وعلى أد ما يحيى هيغير في هاشم حاجات كتير .. هاشم كمان هيغير فيه .\r\nلكن بتحصل لهاشم كتير من العقبات اللي بتقف عائق في طريقه ورحلته .. وبيزيد الضغط عليه من المدرسين والطلبة .\r\nولكن بتحصل حاجة خطيرة جدا لحل المشكلات ديه تقلب بيها أحداث الرواية رأسا على عقب .. واللي ممكن تنهي رحلته الدراسية ويكون الرفد هو مصيره .\r\nالرواية نفسية إجتماعية بتعرض فيها معظم المشاكل اللي بيتعرض الناس ليها .. وإزاي نواجهها .\r\nكمان فيها جزء كبير من التحليل النفسي .. طبعا الرواية لا تخلو من الرسايل الجوهرية الجميلة .. وبرضه لا تخلو من المفاجآت غير المتوقعة والأحداث المشوقة والغريبة في نفس الوقت ..